Lyk my die blog raak nou lewendig, as julle my nou reg verstaan! Gelukkig nie lewend nie anders het ek weggehol.
Vandag wens ek eerder ek was terug in die Laeveld. Vier stelle klere bo-oor mekaar is nie 'n grap nie. Ek wou vanmiddag iemand in die straat groet, maar kon nie my arm hoog genoeg optel om 'n handgebaar te maak nie. Die mense dink seker ek is "upstairs".
Van hoogmoedig gepraat, ek was nie van mening dat iemand meer of minder tyd het nie, ek wou maar net nie jou inisiatief oorneem nie, Anne-Marie.
Jy het reeds 'n volledige e-poslys as ek reg onthou van voor die reunie. Al wat jy moet doen is om 'n "google" rekening oop te maak, 'n "group" te skep en dan die hele boksemdais uit te nooi om deel van die groep te word. Dit sal wys wie is lewend en wie is dooierig. Die dooies neem dan net nie deel aan die gesprek nie - nie dat hulle dit in elk geval doen nie, ek weet nie eers of hulle die blog lees nie, om die waarheid te sê.
Die kommunikasie word 'n epos aan die groep, almal kry dit enige-een kan reageer en op so manier kry ons hierdie geselshoekie aan die gang sonder om elke keer te kom inlog op die blog (verskoon my Afrikaans Mnr. Joubert).
Ek het dit Saterdag aand vinnig gedoen vir ons gemeente en dit het my 20 minute geneem.
Ja, nou raak ek vaak van my eie gesels.
Groetnis uit ysland
Ockie
'n Kletsplek, 'n geselshoekie, 'n lekker gesellige kuierplek ... ons eie plekkie om kontak te hou en mekaar weer beter te leer ken. Kom lug 'n opinie, kom wees nuuskierig of kom loer sommer net in ... Nuwe lede is welkom, solank jy deel van ons klas was op een of ander stadium van jou hoërskool loopbaan. Kontak enige van ons per e-mail (sien profiles onderaan) ons hoor graag van julle!
Monday, June 9, 2008
Subscribe to:
Post Comments (Atom)
No comments:
Post a Comment